Takim virtual në mes të ShKÇAK dhe Institutit të Ekspertëve Kontabël të Autorizuar (IEKA) dhe Institutit të Kontabilistëve të Miratuar (IKM) të Shqipërisë

Prishtinë, 27 janar 2021 - Përfaqësues të ShKÇAK zhvilluan një takim virtual me përfaqësues të Institutit të Ekspertëve Kontabël të Autorizuar (IEKA) dhe  Institutit të Kontabilistëve të Miratuar (IKM) të Shqipërisë.

Diskutimet gjatë takimit u fokusuan në  mundësitë e organizimit të sesioneve të përbashkëta të Edukimit të Vazhdueshëm Profesional, përkthimin e Standardeve të reja për Menaxhimin e Cilësisë, bashkëpunimin në sferën e sigurimit të cilësisë  si dhe bashkëpunimin në ofrimin e çertifikimit të përbashkët për sektorin publik.

Të tre Shoqatat, si anëtare me të drejta të plota në Federatën Ndërkombëtare të Kontabilistëve dhe Auditorëve (FNK) u dakorduan që të jenë zë i përbashkët i zhvillimit të profesionit në rajon dhe më gjerë.