Përfitimet nga Anëtarësia si Subjekt i Asociuar

Përfitimet e anëtarëve të asociuar në ShKÇAK, përfshijnë:

• Mundësitë e rrjetëzimit: Qasje në rrjet të gjerë profesionistësh dhe palëve të ndërlidhura, duke krijuar mundësi bashkëpunimi, shkëmbim të  ideve dhe këshillave profesionale, në mënyrë që të kenë ndikim për zhvillim ekonomik të qëndrueshëm të vendit.
• Zhvillimi Profesional: Mundësi e përfshirjes të anëtarëve të asociuar në komisionet e ShKÇAK, qasje në edukim të vazhdueshëm profesional,  seminare, punëtori, konferenca.  
• Publikimet dhe ndryshimet ligjore: Qasja në standarde ndërkombëtare, pjesëmarrje në grupet punuese për të kontribuar gjatë ndryshimeve ligjore.
• Avancimi në karrierë: zgjerim i mundësive për ngritje në karrierë si pjesë e një organizate me reputacion, e cila mund të rrisë imazhin  tuaj profesional.
• Avokim: Përfaqësimi dhe avokimi në emër të profesionit në nivel lokal, rajonal dhe ndërkombëtar, duke ndikuar në politika dhe standarde në kuadër të profesionit.
• Informacione: Qasje ekskluzive në të rejat e industrisë, platformën e punësimit, udhëzime dhe manuale të ndryshme.
• Etika profesionale: Të qenit anëtarë të asociuar në ShKÇAK garanton pajtueshmëri me parimet e Kodit Etik profesional.
• Përfitimet tjera: Anëtarët e asociuar do të kenë lehtësime financiare në: shërbime, edukim të vazhdueshëm profesional, seminare, specializime, evente.