Marrëveshje bashkëpunimi në mes të ShKÇAK dhe IEKA

2025-04-25 - 08:34

Sot, më 25 prill 2025, Shoqata e Kontabilistëve të Çertifikuar dhe Auditorëve të Kosovës (SHKÇAK) dhe Instituti i Ekspertëve Kontabël të Autorizuar të Shqipërisë (IEKA) nënshkruan një marrëveshje bashkëpunimi, që synon forcimin e standardeve profesionale dhe rritjen e bashkëpunimit në fushën e kontabilitetit dhe auditimit.

Marrëveshja parasheh:

• Njohjen reciproke të certifikimeve profesionale
• Promovimin e zhvillimit profesional dhe edukimit të vazhdueshëm
• Përmirësimin e cilësisë së auditimit përmes shkëmbimit të praktikave dhe ekspertizës
• Organizimin e aktiviteteve të përbashkëta profesionale
• Bashkëpunim për përkthimin dhe përditësimin e standardeve ndërkombëtare

Ky partneritet është një hap i madh drejt integrimit profesional rajonal dhe promovimit të standardeve ndërkombëtare të kontabilitetit dhe auditimit.