Auditor i Çertifikuar
2022-05-05 - 12:13
Auditor i Çertifikuar është ai person eksperienca, trajnimet teorike dhe kualifikimi profesional i të cilit e ka kualifikuar mbajtësin e titullit për të u emëruar për kryerjen e auditimeve të jashtme të pasqyrave financiare të njësive ekonomike. Auditorët kryejnë auditimin e pasqyrave financiare të kompanive dhe organizatave publike. Ata sigurojnë që pasqyrat financiare janë paraqitur drejt dhe sinqert në përputhje me kornizën e raportimit financiar dhe kërkesat tjera ligjore.
Auditorët e Çertifikuar përfitojnë aftësitë e mëposhtme dhe dhe ju jeni në gjendje të:
- Paraqitni aplikimin e vlerave profesionale dhe gjykimeve përmes një kornize etike
- Shpjegoni rolin e kontabilistit në identifikimin dhe vlerësimin e rrezikut
- Diskutoni obligimet profesionale dhe etike të kontabilistit
- Jepni këshilla dhe raportoni mbi performancën financiare të entiteteve
- Diskutoni ndërlikimet e ndryshimeve në rregullat e kontabilitetit apo raportimin financiar
- Vlerësoni performancën dhe pozicionin financiar të entiteteve
- Vlerësoni pozitën strategjike dhe zgjedhjet në dispozicion të një organizate
- Vlerësoni dhe ri-dizajnoni procedurat biznesore dhe strukturat për të zbatuar dhe mbështetur strategjinë organizative
- Jepni këshilla mbi parimet e menaxhimit të projektit për të mundësuar zbatimin e aspekteve të strategjisë së një organizate
- Kuptoni mjedisin ligjor dhe rregullativ dhe ndikimin e tij në praktikat e auditimit dhe të sigurisë
- Identifikoni dhe formuloni kërkesat e arritjes së objektivave të detyrave të auditimit dhe aplikoni SNA-të
- Vlerësoni të gjeturat dhe rezultatet e punës së kryer, përgatitni draft raporte të përshtatshme mbi detyrat
Kualifikimi
Auditori i Çertifikuar fillimisht duhet të kualifikohet si Kontabilist i Çertifikuar në ShKÇAK.
Jo për të gjithë Kontabilistët e Çertifikuar kërkohet ose është e nevojshme të kualifikohen Auditor të Çertifikuar, me përjashtim të rastit nëse ata zgjedhin një karrierë në ofrimin e auditimeve ligjore dhe shërbimeve përkatëse. Këshilli Kosovar për Raportim Financiar (KKRF) licencon Auditorët në Kosovë dhe roli i ShKÇAK-së është për të siguruar se ata janë të certifikuar në përputhje me standardet Ndërkombëtare të Edukimit, Direktivën e 8 të BE-së dhe praktikat më të mira ndërkombëtare.Në vitet e fundit standardet e edukimit dhe kërkesat e praktikës profesionale për Auditorët Ligjor janë përditësuar, andaj skema e re e kualifikimit në ShKÇAK ka për qëllim të sigurojë që auditorët e Kosovës janë të kualifikuar me standardet më të larta ndërkombëtare.
Për të u trajnuar për kualifikim si Auditor i Çertifikuar, ju së pari duhet të jeni anëtar i ShKÇAK dhe të keni përfunduar kualifikimin për Kontabilist të Çertifikuar. Anëtarësia në këtë nivel është e hapur për të gjithë profesionistët që punojnë në kontabilitet dhe auditim dhe të cilët kanë përfunduar nivelin për Kontabilist të Çertifikuar.
Kushtet paraprake për regjistrim:
- Kualifikimi si Kontabilistë të Çertifikuar;
- 600 orë punë në auditim të jashtëm.
Planprogrami për Auditor të Çertifikuar
Trajnimi për t’u kualifikuar si Auditor i Çertifikuar mbulon lëndët dhe temat e mëposhtme:
*Ju njoftojmë se materiali i lëndës P12/Praktika Profesionale është azhurnuar sipas standardeve të reja. Implementimi i planprogramit të ri do të fillojë në janar 2023. Ndërsa provimet e afatit të qershorit 2023 do të jenë sipas materialit të azhurnuar.
Afati i fundit për t’iu nënshtruar provimit të lëndës P12 me materialin e tanishëm, janë afatet e provimeve qershor-korrik 2022, tetor-nëntor 2022 dhe janar-shkurt 2023.
