Kongresi Botëror i Kontabilistëve 2018

2018-11-06 - 01:53

Përfaqësueset e ShKÇAK znj. Afërdita Çarkaxhiu Gashi - Kryetare e Këshillit dhe znj. Ardiana Bunjaku - Drejtoreshë Ekzekutive, po marrin pjesë në Kongresin Botëror të Kontabilistëve i cili po mbahet në Sidnej, Australi.

Tematika e Kongresit Botëror për këtë vit ka të bëjë me sfidat globale dhe liderët global dhe ka për qëllim ti informojë pjesëmarrësit mbi të ardhmen e profesionit dhe ndryshimet që do të sjellë ajo.

Programi i kongresit ofron sesione të ndryshme për profesionistë si në fushën e auditimit, kontabilitetit, raportimit financiar, apo sektorit publik, përmes të cilave kandidatët kanë mundësinë të mësojnë dhe të ndajnë përvojat mbi zhvillimet e fundit të profesionit.

Kongresi Botëror i Kontabilistëve në agjendë përfshinë  edhe disa punëtori të cilat kanë për qëllim prezantimin e rasteve të studimit të biznesit dhe kontabilitetit, pikësynimet, praktikat më të mira dhe të ardhmen.