Takimi i Komisionit për Zhvillimin e Organizatave Profesionale të Kontabilitetit dhe Auditimit të FNK-së

Drejtoresha Ekzekutive e ShKÇAK znj. Ardiana Bunjaku, Këshilltare Teknike në Komisionin për Zhvillimin e Organizatave Profesionale të Kontabilitetit dhe Auditimit të Federatës Ndërkombëtare të Kontabilistëve (PAODC), po merr pjesë në takimin e radhës të këtij Komisioni i cili po mbahet në Nju Jork dhe ka si fokus gatishmërinë e OPK-ve për të ardhmen (Future Ready PAO).

Në ditën e parë të këtij takimi, agjenda përfshinë një punëtori interaktive e cila ka për qëllim të shfrytëzojë përvojën dhe ekspertizën e këtij Komisionit për të shqyrtuar se çfarë do të thotë një Kontabilist dhe Auditor i cili është i gatshëm për t’u ballafaquar me të rejat që do të sjellë e ardhmja. Gjithashtu, punëtoria ka për qëllim të marrë idetë dhe mesazhet e Komisionit mbi gatishmërinë e OPK-ve për të ardhmen, e të cilat do të komunikohen në punëtorinë e FNK-së në Kongresin Botëror të Kontabilistëve.