Hulumtimi i ri nga FNK thotë se Gjenerata-Z preferon konservatizëm ekonomik në politika publike dhe kërkon stabilitet në karrierë

2018-10-04 - 11:04

• 51% e Gjeneratës-Z mendojnë se është e rëndësishme për qeverinë e tyre të prioritizojë një qasje kombëtare ndaj politikave publike, ndërsa 32% preferojnë një qasje globale.
• Prioritetet kryesore të Gjeneratës-Z në lidhje karrierën përfshijnë: një rrugëtim stabil në karrierë (89% e rëndësishme ose shumë e rëndësishme), pagë dhe beneficione konkurruese  (87%), dhe ekuilibër mes punës dhe jetës (84%).
• 73% e të  anketuarve  të  Gjeneratës-Z do të  konsideronin një  karrierë  profesionale në  Kontabilitet dhe Auditim, dhe mbi një e pesta (21%) tashmë kanë vendosur të ndjekin një karrierë  në  këtë  profesion.

Nju Jork, 25 shtator, 2018 - Gjenerata-Z është e interesuar për ekonominë dhe perspektivat e tyre për punë, sipas një studimi të ri të publikuar nga Federata Ndërkombëtare e Kontabilistëve (FNK) si zëri global i profesionit të kontabilitetit dhe auditimit. Studimi i mbi 3,300 individëve të moshës 18-23 vjeç nga 19 vende të G20 analizon qëndrimet e gjeneratës së ardhshme për politikat publike dhe pritshmëritë e tyre në lidhje me karrierën.

Kuptimi i prioriteteve të Gjeneratës-Z do të jetë kritik për politikëbërësit dhe punëdhënësit, pasi që debatet për politikat publike ballafaqohen gjithnjë e më shumë me kompromiset e bëra mes gjeneratave në lidhje me pasurinë dhe pasi që Gjenerata-Z parashihet të përbëjë gjeneratën më të madhe në botë.

Të  angazhuar në politikë, dhe konservativ në ekonomi

Prioritetet kryesore të  politikave publike për këtë gjeneratë janë: avancimi i stabilitetit ekonomik, edukimi cilësorë, dhe mundësia e punësimit. Megjithatë, pikëpamjet se si të arrihen rezultatet e dëshiruara varen nga aspekti gjeografik. Studimi zbuloi se 51% e Gjeneratës Z globalisht preferojnë një qasje kombëtare ndaj politikave publike, ndërsa 32% favorizojnë  globalizimin dhe bashkëpunimin ndërkombëtarë .

Gjenerata-Z në Francë (52%) dhe Gjermani (43%) e mbështesin më së shumti bashkëpunimin politik ndërkombëtarë, ndërsa preferenca për një  qasje kombëtare të politikave publike është më e theksuar në  Kinë  (65%), Afrikën e Jugut (63%), Indi (60%), dhe Rusi (59%).

“Të interpretuara në debatet bashkëkohore gjeopolitike dhe ekonomike, pikëpamjet e Gjeneratës-Z duket se pasqyrojnë tensionin mes mbrojtjes së vlerave kombëtare dhe bashkëpunimit politik ndërkombëtarë” tha Russell Guthrie, Drejtori Ekzekutiv i FNK. “Theksi mbi stabilitetin ekonomik flet shumë  për atë  që  e ardhmja do të  sjell, duke pasur parasysh  se  kjo gjeneratë  tashmë  po ushtron zërin e saj aktiv në  skenën globale.”

Përtej konfliktit mes mbrojtës së vlerave kombëtare dhe globalizimit, shqetësime të  tjera përfshijnë  kujdesin shëndetësorë , veçanërisht  në  Kanada, Francë,  Gjermani dhe SHBA, dhe trajtimin sistematik të korrupsionit, i cili u vlerësua si prioritet i lartë nga të anketuarit në  Argjentinë, Brazil, Indi dhe Indonezi.

Dëshira për siguri të punës  në  profesionet stabile

Dëshira e Gjeneratës-Z për stabilitet është gjithashtu e dukshme në pritjet mbi vendin e punës. Ata parashikojnë që digjitalizimi dhe teknologjia në zhvillim janë  një thikë me dy tehe që do të sjellë mënyra të reja të punës por edhe rënien e vendeve tradicionale të punës.

Në kontrast me pikëpamjen "jeto ëndrrën pa marrë parasysh shpenzimet" që zakonisht i atribuohet gjeneratës së mileniumit, prioritetet kryesore të Gjeneratës-Z për zgjedhjen e një karriere përfshijnë një rrugëtim stabil të karrierës (89% e rëndësishme ose shumë e rëndësishme), paga dhe beneficione konkurruese (87%) dhe ekuilibër mes punës dhe jetës (84%).

Perceptimi i Gjeneratës-Z për profesionin e kontabilitetit dhe auditimit është shumë i përafruar me dy prioritetet kryesore të tij për zgjedhjen e  karrierës. 87% e Gjeneratës-Z shohin profesionin e kontabilitetit dhe auditimit si tërheqës ose shumë tërheqës në ofrimin e një rrugëtimi stabil të  karrierës, ndërsa 86% e shohin këtë profesion si përmbushje e pritshmërive të tyre për paga dhe beneficione.

Afërsisht tre të katërtat (73%) e të anketuarve të Gjeneratës-Z do të konsideronin një karrierë në profesionin e kontabilitetit dhe auditimit dhe mbi një e pesta e të anketuarve (21%) tregojnë se ata tashmë kanë vendosur të ndjekin një karrierë në këtë  profesion.

Gjenerata-Z sjellë një numër të madh të talenteve të reja dhe unike për fuqinë punëtore globale. Ky studim identifikon pse profesioni global i kontabilitetit dhe auditimit është i pozicionuar mirë për të tërhequr dhe mbajtur gjeneratën e ardhshme të talentuar, veçanërisht pasi roli i kontabilistit dhe auditorit po bëhet gjithnjë e më strategjik", tha Fayezul Choudhury, Kryeshefi Ekzekutiv i FNK. Punëdhënësit nga të gjitha industritë do të jenë në pozitë më të përshtatshme kur të kenë kuptuar perspektivat e Gjeneratës-Z, teksa ata vijnë të krijojnë të ardhmen e vendit të punës".

Metoda e Anketimit

Për këtë studim, Gjenerata-Z është përcaktuar si individë të lindur në mes të viteve 1990 dhe në mes të viteve 2000. I kryer nga FNK, ky studim u jep zë 3,388 individëve mes moshës 18 dhe 23 vjeç në vendet e G20. Kjo përfaqëson një madhësi prej 150-300 pjesëmarrësish nga: Argjentina, Australia, Brazili, Kanadaja, Kina, Franca, Gjermania, India, Indonezia, Italia, Japonia, Republika e Koresë, Meksika, Rusia, Arabia Saudite, Britania e Madhe dhe SHBA.

Për FNK-në

FNK është organizatë globale për profesionin e kontabilitetit dhe auditimit e zotuar në shërbim të interesit publik, duke e forcuar profesionin dhe duke kontribuar në zhvillimin e ekonomive ndërkombëtare. FNK përbëhet nga 175 anëtare me të drejta të plota dhe anëtarë të asocuar, që i përfaqësojnë rreth 3 milionë kontabilistë dhe auditorë në shërbime publike, edukim, shërbime qeveritare, industri dhe tregti.