Konferenca e 16-të Vjetore e Federatës Mesdhetare të Kontabilistëve

2018-09-13 - 04:04

Drejtoresha Ekzekutive e ShKÇAK znj. Ardiana Bunjaku dhe Kryetarja e Këshillit znj. Afërdita Gashi Çarkaxhiu, po marrin pjesë në Konferencën e 16-të Vjetore të Federatës Mesdhetare të Kontabilistëve me titull “Auditimi dhe Perspektiva e tij Aktuale”.

Kjo konferencë ka në fokus sfidat aktuale të interesit publik që ndikojnë në profesionin e auditimit, domosdoshmërinë e cilësisë së auditimit, modelin aktual të përcaktimit të standardeve të auditimit, dhe auditimi i NVM-ve. 

Gjithashtu në këtë Konferencë po trajtohen dhe zhvillimet që është duke sjellur digjitalizimi dhe roli i profesionit të Kontabilitetit dhe Auditimit në këtë mjedis të ri teknologjik duke u mbështetur kryesisht në konkluzionet e nxjerra dhe njohuritë e fituara nga Konferenca e 15-të Vjetore e Federatës Mesdhetare të Kontabilistëve.