Përfaqësues të SCAAK pjesë e Konferencës së FCM

2025-11-25 - 04:07

Ushtruesi i detyrës së Drejtorit Ekzekutiv të SCAAK, z. Blerim Pushkolli, dhe anëtari i Komitetit Ekzekutiv të Federatës Mesdhetare të Kontabilistëve (FCM), z. Nazmi Pllana, po marrin pjesë në konferencën e organizuar nga FCM me temë: “Kontabilistë të gatshëm për të ardhmen: inovacioni, qëndrueshmëria dhe ndikimi rajonal” në Lisbonë, Portugali.

Konferenca mbledh përfaqësues të organizatave profesionale nga rajoni mesdhetar për të diskutuar rolin kyç të kontabilistëve në avancimin e qëndrueshmërisë, ESG-së (mjedis, shoqëri dhe qeverisje) dhe mbrojtjen e interesit publik.

Në kuadër të konferencës, z. Nazmi Pllana moderoi panelin me temë “Ndërtimi i kapaciteteve dhe bashkëpunimi rajonal”, ku u trajtuan mënyrat konkrete për forcimin e kapaciteteve të organizatave profesionale, rritjen e cilësisë së edukimit të vazhdueshëm për kontabilistët, si dhe rëndësia e partneritetit ndërmjet vendeve të rajonit për shkëmbim përvojash dhe harmonizim praktikash.