Ndahet nga jeta bashkëpunëtori dhe anëtari i ShKÇAK Prof.Dr. Arben Dermaku

2021-01-13 - 02:03

Me pikëllim të thellë morëm lajmin se bashkëpunëtori dhe anëtari i ShKÇAK profesori i njohur Dr. Arben Dermaku është ndarë nga jeta pas betejës me sëmundjen COVID-19.
 
Me respekt të madh e kujtojmë kontributin e tij në zhvillimin e profesionit të kontabilitetit në Kosovë duke qenë profesor në Universitetin e Prishtinës si dhe ligjërues dhe anëtar në Shoqatë.

Humbja e profesor Dermakut nuk është humbje vetëm për familjen, por për të gjithë ata që e njohën dhe kishin nderin të punonin me të.
 
Shoqata në emër të të gjithë anëtarëve shprehë ngushëllimet më të sinqerta për familjen Dermaku.