Anëtarët e ShKÇAK bëhen pjesë e EUIPO - Zyra për Pronësi Intelektuale e Bashkimit Evropian

2020-10-06 - 03:03

Shoqata e Kontabilistëve të Çertifikuar dhe Auditorëve të Kosovës (ShKÇAK) duke qenë anëtare me të drejta të plota në Federatën Evropiane të Kontabilistëve dhe Auditorëve për NVM (EFAA) sot është informuar nga presidenti i kësaj Federate Z. Salvador Marin se në muajin shtator të këtij viti EFAA ka nënshkruar Marrëveshje Bashkëpunimi me Zyrën për Pronësi Intelektuale të Bashkimit Evropian (EUIPO).

Kjo marrëveshje bashkëpunimi i’u mundëson anëtarëve të ShKÇAK të informohen dhe të kenë qasje në resurset e Pronësisë Intelektuale. Anëtarët e Shoqatës gjithashtu do të mund të ju ndihmojnë klientëve të tyre të bizneseve të regjistrojnë të drejtat e tyre të Pronësisë Intelektuale.

Gjithashtu në fund të vitit, EUIPO dhe EFAA do të organizojnë një event virtual për të diskutuar hapat e ardhshëm. ShKÇAK do të ju njoftojë me kohë për këtë.