ShKÇAK vizitohet nga komisioni vlerësues i Autoritetit Kombëtar të Kualifikimeve (AKK)

Prishtinë, 23 shtator 2020 – Në kuadër të ri-akreditimit të Programeve Çertifikuese për sektorin privat, publik dhe auditim të brendshëm, Shoqata e Kontabilistëve të Çertifikuar dhe Auditorëve të Kosovës (ShKÇAK) priti sot në takim komisionin vlerësues nga Autoriteti Kombëtar i Kualifikimeve (AKK) me qëllim informimin rreth mbarëvajtjes se punës së Shoqatës. AKK përgëzoi Shoqatën për punën e bërë deri më tani drejt implementimit të kërkesave të AKK dhe për përkushtimin e saj ndaj zhvillimit të profesionit në Kosovë dhe në rajon. Ri-akreditimi i programeve është ende në proces deri në vendimin final të Këshillit Drejtues.